Emergjenca pas tërmetit/ Pezullohet pagesa e “Rrugës së Kombit” për ata që dhurojnë ndihma

Pas situatës emergjente që la pas tërmeti i fuqishëm që goditi Shqipërinë, ka ardhur dhe reagimi i kompanisë Albanian Highway Concession, e cila menaxhon “Rrugën e Kombit”.

Sipas informacioneve kompania koncesionare që prej ditës se djeshme ka vendosur të lejojë kalimin pa pagesë të të gjitha makinave, individëve, shoqatave, institucioneve të Kosovës, Shqipërisë që do të dhurojnë ndihma për  të prekurit nga tërmeti, deri në përfundim të emergjencës.

Kujtojmë se ndihma të shumta kanë ardhur nga Kosova për qytetarët shqiptarë të prekur nga tërmeti i djeshëm kryesisht në Durrës e Fushë-Krujë por edhe në Tiranë.

Përveç forcave të Ushtrisë së Kosovës, ndihma të ndryshme janë dhënë nga të gjitha qytetet e Kosovës që kanë organizuar fushata solidarizimi me të prekurit.

🎙️ Podcast “Money Hour” | Fast News Economy