“Do i vë tritolin pallatit” qytetari ia plas në fytyrë Lleshajt: Boll me gënjeshtra, askush s’ka vënë dorë (VIDEO)

Një situatë aspak e këndshme ka qenë ajo me të cilën është përballur ministri i Brendshëm Sandër Lleshaj sot në Kurbin.

Njëri prej banorëve është revoltuar me të, duke u shprehur se prej 30 vjetësh njerëzit janë lodhur nga gënjeshtrat.

Për  shkak se sipas tij pallati tashmë është i pabanueshëm dhe shteti nuk vë dorë, ai shprehet se është i detyruar ti vërë tritolin.

“O Zoti ministër nuk shihet deti me sëpatë, futi brenda shiko hyrjet si janë, banor i pallatit jam dhe unë, këta janë duke na gënjyer përherë, kemi 30 vite me rrena, dhe nuk na ka vënë dorë askush. Po pati mundësi të vënë dorë, ndryshe ti vëmë tritolin”, deklaroi banori i nxehur.

Në një moment kanë ndërhyrë dhe banorët e tjerë, duke tentuar ta ndërpresin qytetarin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Çke që flet ti në emër të ministrit, flet vetë ai se ka gjithë atë shkollë, di 5 gjuhë të huaja”, thotë më tej qytetari me tone te larta.

Lleshaj duke dëgjuar shqetësimin e tij ka thënë se do të vizitojë banesën e tij, e cila ndodhet në një pallat parafabrikat aty afër.