Një ngjarje e rëndë ka ndodhur natën që sapo lamë pas në Shkodër.
Mësohet se është djegur makina e gjyqtarit të Gjykatës së Shkallës së Parë të qytetit, Andri Ymeri.
Dyshohet se autorët janë dy persona që nuk janë identifikuar ende nga policia.
Ngjarja ka ndodhur rreth mesnatës së djeshme afërssisht në orën 23:38.
Dy persona me skafandër në kokë dhe me një motor janë afruar tek mjeti tip “Benz” i gjyqtarit Andri Ymeri duke e lyer me lënë djegëse dhe më pas duke i vënë flakën.
Në ato moment makina ndodhej e parkuar pranë kishës Françeskane në Shkodër.
Zjarri ka arritur të shkrumbojë makinën ndërkohë që dy autorët janë larguar me shpejtësi në drejtim të Gjuhadolit.
Pas flakëve që u përhapën me shpejtësi u lajmërua zjarrëfikësja e cila mbërriti në vendngjarje duke tentuar të shuajë zjarrin.
Mësohet se si pasojë e flakëvve është djegur dhe një makinë tjetër që ndodhej ngjitur me atë të gjyqtarit.
Grupi hetimor vijon punën për zbardhjen e plotë të ngjarjes.
