Gjykata e Apelit të Vlorës ka zhvilluar ditën e sotme seancën e rradhës ndaj ish-oficerit të Policisë Dritan Zagani, i cili akuzohet për moskallëzim krimi dhe shpërdorim detyre.
Shkalla e Parë e ka dënuar Zaganin me 4 vite e 6 muaj burg.
Seanca gjyqësore drejtohej nga relatorja Margarita Buhala, anëtare e Këshillit të Emërimeve në Drejtësi.
Nga ana tjetër kjo seancë u vendos të shtyhej për shkak të kërkesës së Ministrisë së Drejtësisë, pasi nuk ka arritur të njoftojë Zaganin përmes autoriteteve zvicerane.
Seanca ndaj Zaganit do të zhvillohet në janar pasi u shty për një afat prej dy muajsh.
Në seancë është paraqitur babai i Dritan Zaganit, i cili ka ndjekur zhvillimet rreth çështjes së të birit.
