Tërmeti shkatërrimtar i 2 ditëve më parë ka shkaktuar panik tek qytetarët e Durrësit dhe jo vetëm.
Por shumë prej tyre kanë lënë sot banesat pas një alarmi ‘bombë’ që qyteti bregdetar do të goditej nga një cunam.
Ky lajm u publikua nëpër mediat greke dhe ato italiane, ku për alarmin i referoheshin Institutit Italian të termeteve, ka reaguar sizmologu Llambo Duni.
Në një lidhje telefonike për ‘News 24’, Duni pohoi se Durrësi nuk rrezikohet nga cunam. Ai theksoi se tërmeti i së martës me magnitudë 6.3 të shkallës rihter, nuk e ka fuqinë që të shkaktojë një dukuri të tillë si cunami.
