Aksident tragjik në Itali/ Kamionët përplasen ‘kokë më kokë’, humb jetën shqiptari (EMRI)

Një aksident automobilistik me pasoja fatale ka ndodhur sot në mëngjes në Itali, ku si pasojë e përplasjes kanë ndërruar jetë dy  persona.

Mësohet se në aksin Ascoli-Mare, janë përplasur ‘kokë më kokë’ dy kamionë të transportit ndërkombëtar (TIR) dhe kanë humbur jetën të dy drejtuesit e kamionëve.

Një nga viktimat është shqiptari Agron Bakaj, i moshës 48 vjeçare, rezident në San Benedetto, ndërsa tjetri italian, Angelo Lucin, 39 vjeç, shoferi i kamionit tjetër.

Shqiptari ndërroi jetë në vend ndërsa italiani gjatë momentit që po transportohej për në spital.

Shkak për aksidentin është bërë shikueshmëria në rrugë, e cila ishte tepër e vështirë për shkak të mjegullës që kishte mbuluar zonën.