Agim Kajmaku drejt burgut, prokuroria firmos urdhër-arrestin

Prokuroria ka firmosur urdhër-arrestin për ish-kryetarin e Bashkisë së Vorës Agim Kajmaku.

Mësohet se policia ka nisur kontrollet për ta arrestuar, por sipas informacioneve nuk dihet vendndodhja e tij dhe nuk kanë mundur ta gjejnë.

Përpara një jave Kajmaku mbante postin si kryebashkiak, ndërsa një javë më vonë gjërat kanë ndryshuar katërcipërisht, ku ai është në kërkim nga policia pas urdhërarrestit të firmosur.

Shkak për këtë urdhër nuk është bërë është dënimi në Greqi dhe gënjeshtra në formularin e dekriminalizimit të dorëzuar në Komisionin Qendror të Zgjedhjeve, por shkarkimi nga ana e tij i dy nënkryetarëve të Bashkisë Vorë Laureta Omeri dhe Hysen Brahimi.

Më 6 nëntor, Laureta Omeri, e shkarkuar nga Kajmaku, ndërkohë që edhe vetë ai ishte i shkarkuar, ka depozituar një kallëzim penal në Prokurorinë e Tiranës për falsifikim dokumentesh. Pas marrjes së çështjes nga prokurori, është bërë edhe lëshimi i urdhër-arrestit për Kajmakun.

Kujtojmë se KQZ i hoqi Kajmakut mandatin e kryetarit të bashkisë duke e lënë pa asnjë lloj imuniteti.

Kjo do të thotë që ka ardhur koha që Agim Kajmaku të përballet me organet e drejtësisë për të gjithë akuzat që rëndojnë mbi të.