Tropojë/ Plas grushti në zyrën e Kadastrës, dalin detajet e para

Një qytetar është arrestuar për veprën penale “goditje për shkak të detyrës” pasi qëlluar me grushte përgjegjësin e Zyrës së Kadastrës në Tropojë.

“Specialistët për Hetimin e Krimit në Komisariatin e Policisë Tropojë, arrestuan në flagrancë shtetasin A.Gj., 63 vjeç, banues në fshatin Llugaj.

Arrestimi i tij u bë pasi për shkak të detyrës ka goditur me grushta përgjegjësin e Zyrës së Kadastrës Tropojë, shtetasin B.L.

Materialet i kaluan Prokurorisë së Rrethit Gjyqësor Tropojë, për veprën penale ‘Goditjet për shkak të detyrës’”, njoftoi policia.