SHBA e prerë ndaj Serbisë: Ja porosia që “tronditi” Vuçiçin

Shtetet e Bashkuara të Amerikës i kërkojnë Beogradit zyrtar që bëjë hapa para dhe të pranojnë realitetin se “Kosova është tashmë  shtet i pavarur”.

Kërkesa është bërë gjatë takimit të të dërguarit të posaçëm të Presidentit të Shteteve të Bashkuara të Amerikës për bisedimet Kosovë-Serbi, Richard Grenell me presidentin e Serbisë, Aleksandër Vuçiç.

Grenell vizitoi javën e kaluar kryeqytetet e Kosovës dhe Serbisë. Siç shkruajnë mediat afër  presidentit të Serbisë, diplomati Granell ka artikuluar qartë dhe prerë kërkesën e SHBA duke i thënë shkurt Vuçiçit: “Prano Kosovën”. Kjo deklaratë e të dërguarit special për dialogun është konsideruar si e çuditshme dhe e papranueshme nga ana e Serbisë.

“Biseda mes Vuçiçit dhe Grenellit nuk ishte aspak e lehtë. Ai qartë kërkoi që Serbia të njohë Kosovën. Serbia është në një pozitë shumë të vështirë.

Ka momente të vështira përpara vendit tonë”,  konfirmuan burimet pranë qarqeve diplomatike për gazetën “Kurir”. Ky lajm është shpërndarë me shpejtësi edhe në media të tjera serbe.