Protestoi për klimën, arrestohet princesha belge në Londër

Princesha belge Esmeralda, tezja e mbretit belg Philippe të Belgjikës është arrestuar dje në Londër. Ajo është një nga 1290 persona të tjera të arrestuar gjatë ditëve të fundit. Princeshë Esmeralda ishte pjesë e një proteste masive në Londër për klimën “Extinction Rebellion”. Lajmi për arrestimin e princeshës është bërë i ditur nga Shoqata e Mjedisit.

Princeshë Esmeralda u dërgua në stacionin e policisë Camden në kryeqytetin britanik, por më pas është lënë e lirë, pasi nuk kishin akuza të mjaftueshme. Përmes një postimi në Twitter, princeshë Esmeralda shkruante: “Teksa isha sëbashku me shumë protestues të tjerë, unë u arrestova. Emergjenca Klimatike na bën thirrje të gjithëve që t’i presim qeveritë të veprojnë me urgjencë”.