Lajm i fundit/ Gjendet i pajetë në banesë 30-vjeçari në Ksamil

Një 30-vjeçar është gjendur i pajetë në banesë. Familjarët e tij kanë qenë ata të cilët e kanë gjetur të vdekur Ervis Orucin.

Mësohet se 30-vjeçari ishte person me precedente penale në vjedhje, prodhim e shitje narkotikësh si dhe përdorues i lëndëve narkotike.

Duke iu referuar informacioneve paraprake, bëhet me dije se shkak i vdekjes së tij është bërë marrja e një sasie medikamentesh.

Ndërkaq, i riu pak kohë kishte që kishte dalë nga spitali psikiatrik i Vlorës. Policia po punon për zbardhjen e plotë të ngjarjes.