Arrestohet i shumëkërkuari në Kurbin, i dënuar me 11 vite burg ne Itali

Policia ka vënë në pranga një 43-vjeçar në Kurbin pasi ishte shpallur në kërkim. Fredi Gjonaj u arrestua në bashkëpunim me Interpol Tirana pasi kërkohej për llogari të shtetit italian.

Ky shtetas ishte i shpallur në kërkim ndërkombëtar nga autoritetet italiane, pasi Gjykata në Forli/Itali, në Prill 2005, e ka dënuar me 11 vite e 3 muaj burgim, për veprat penale “Organizatë kriminale”, “Vjedhje me armë” dhe “Plagosje” parashikuar nga Kodi Penal Italian thuhet në njoftimin e policisë.

Materialet hetimore i kaluan Prokurorisë Pranë Gjykatës së Shkallës së Parë Kurbin për veprime të mëtejshme.