Zyrtari amerikan 100 minuta në zyrën e Ramës, çfarë u diskutua?

Pas Bashës dhe Kryemadhit zyrtari i lartë i amerikan David Kostelancik ka takuar kryeministrin Edi Rama. Mësohet se ky takim mes shefit të qeverisë shqiptare dhe zyrtarit të lartë të DASH ka zgjatur rreth 100 minuta.

Ai ka nisur fillimisht takimet me kryetarin e Kuvendit, Gramoz Ruçin, ndërsa më pas ka vijuar takimin me kreun e grupit parlamentar të PS, Taulant Balla si dhe me dy drejtuesit e partive kryesore opozitare, Lulzim Bashën dhe Monika Kryemadhin.

Kriza dhe mungesa e dialogut është përcjellë me shqetësim të madh jo vetëm nga faktori politik vendas, por edhe nga organizmat ndërkombëtarë. Ata kanë bërë thirrje për kapërcimin e ngërçit politik, i cili për fat të keq vijon të qëndrojë “këmbëkryq” prej muajsh në vendin tonë.