Vrau shokun në mes të Dibrës, ja çfarë ka deklaruar 22-vjeçari në polici

Ngjarja e rëndë e ndodhur dje në qytetin e Peshkopisë, ku pas një debati Fatjon Keta vrau me thikë shokun e tij, Arlind Pasha ka sjellë një tronditje të opinionit publik.

Por pas kësaj ngjarje të rëndë, 22-vjeçari është vënë në pranga nga uniformat blu, ku mësohet se sot ka dalë para hetuesve.

Bëhet me dije se i riu e ka pranuar se e ka kryer krimin në kushte gjakftohtësie, por pa dhënë shumë detaje se përse shkoi deri në këtë vendim kaq ekstrem.

Sipas informacioneve nga Dibra, familja e autorit të vrasjes është larguar nga qyteti, pasi tashmë i druhet një hakmarrje të familjarëve të viktimës.