Transferimi nga Krimet e Rënda, caktohen dy prokurorët që do të hetojnë “Dosjen 184” në Dibër (EMRAT)

Ditën e sotme janë caktuar dy prokurorët që do të hetojnë “Dosjen 184” në Dibër.

Mësohet se ata janë Rifat Kojku dhe Belina Zeneli, të cilët kanë marrë tashmë në dorë një nga dosjet më të përfolura të drejtësisë shqiptare.

Prokurorët janë caktuar me urdhër të drejtueses së akuzës në Dibër.

Kujtojmë se “Dosja 184” u transferua nga Tirana në Dibër, pasi Prokuroria e Krimeve të Rënda shpalli moskompetencë.