“S’kam bërë kurrë pushime jashtë si kryeministër” Basha nxjerr videon ku Rama del ‘zbuluar’: Artist i mashtrimit (VIDEO)

Kryetari i Partisë Demokratike Lulzim Basha e ka nisur ditën e sotme me një sulm të ashpër drejtuar kryeministrit Edi Rama.

Me anë të një video në Facebook, Basha i kundërvihet Ramës duke përgënjeshtruar kështu deklaratën e tij se nuk ka bërë kurrë pushime në periudhën që ka nisur detyrën si kryeministër në 2013 e deri më sot.

Kryeopozitari ka renditur në video vendet ku kryeministri ka shkuar për pushime apo për punë personale, dhe shton ndër të tjera se Rama është artist I mashtrimit dhe se vetë jeton në luks, ndërkohë që njerëzit janë në pasuri, varfëri dhe pasiguri.

“Edi Rama është artist i mashtrimit. Gjithçka që ka premtuar, gjithçka që ka thënë ka qenë mashtrim me qëllim për të vjedhur dhe grabitur bashkë me kriminelët dhe oligarkët. Çdo projekt, program dhe politikë është mashtrim për shqiptarët në shërbim të oligarkëve.

Pasuri dhe Luks për vete, Papunësi, Varfëri dhe Pasiguri për njerëzit. Mashtrimeve dhe gënjeshtrave të Hajdutit Psiqik ju ka dalë boja”, shkruan Basha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern