Shqipëria shpërfytyrohet përballë kampionëve të Botës

Shqipëria e ka humbur thellë 4-1 ndeshjen e pestë eliminatore me Francën. Formacioni kuqezi ka treguar një performancat e tij më të dobëta të viteve të fundit, duke zhgënjyer totalisht përballë ekipit më të mirë të botës për momentin.

Ndeshja për Kombëtaren tonë mori të tatëpjetën pa filluar ende mirë, kur që në minutën e 8’, falë një rreshtimi të gabuar në mbrojtje Koman përfiton dhe mposht Strakoshën. Me këtë gol Francezët u çliruan në lojën e tyre dhe goli i dytë nga Zhiru erdhi natyrshëm.

Në fundin e pjesës së parë Grizman humbi penalltinë e shkaktuar nga Mavraj, ndërsa në pjesën e dytë trans alpinët do të gjenin portën edhe dy herë të tjera me anë të Koman dhe Ikone.

Për Shqipërinë golin e nderit do e shënonte në fund të lojës me penallti, Sokol Cikalleshi.

Kjo paraqitje e dobët e Kombëtares shqiptare ka shkaktuar zemërim te tifozët që më së shumti kanë kritikuar zgjedhjet e trajnerit reja, për të aktivizuar Roshin si mbrojtës krahu.