Shoferi shqiptar bie nga 40 metra lartësi bashkë me kamionin, gjendja e tij habit të gjithë

Një shqiptar duket si i ka shpëtuar për mrekulli një aksidenti të ndodhur në Savona të Italisë. Incidenti ka ndodhur këtë të premte ku një kamion i tonazhit të rëndë është aksidentuar dhe një pjesë e mjetit ka rënë nga një lartësi prej 40 metrash.

Drejtuesi i kamionit ka qenë një shtetas me origjinë shqiptare. Kamioni që shqiptari drejtonte ka humbur kontrollin dhe fillimisht është përplasur me parmakët anësorë të rrugës. Për shkak të tonazhit dhe inercisë, kamioni është shkatërruar dhe pjesa e kryesore e trajlerit ka rënë në greminë.

Shqiptari ka flutuar nga 40 metra lartësi në kabinën e tij. Mirëpo edhe pse kamioni ka rënë nga një lartësi shumë e madhe, shoferi ka shpëtuar për mrekulli. Ky i fundit ka dalë me këmbët e veta nga kabina dhe më pas i është drejtuar spitalit për një kontroll të detajuar.