Gazetari i njohur, Armand Shkullaku ka treguar një tjetër anë të historisë së bujshme të kësaj vere te pronarit të lokalit Panorma me turistët spanjollë.
Në një intervistë në emisionin “Zonë e Lirë”, Shkullaku tha se lokali nuk duhej prishur dhe se ajo që i ndodhi atij, mund t’i ndodhë kujtdo.
Shkullaku tha se lokali u shemb për një incident të tepruar, ku sipas tij asnjëra nga palët nuk kishte faj.
‘A duhej shfarrosur Mihal Kokëdhima? Pro dhe kundër?, pyeti Arian Çani në emision, ndërsa Shkullaku u përgjigj: “Në asnjë mënyrë jo. Që në një moment të caktuar të çmendemi kjo ndodh. Që të çmendet shteti, kjo është serioze. Iu shkatërrua lokali brenda natës, u arrestua, u fut në burg. Kjo për çfarë? Për një incident të tepruar, nuk kishte pasur faj asnjëra nga palët. Djali i xhaxhait të Koço Kokëdhimës është ai. Rama ka ngrënë shumë peshq aty tek lokali i Mihalit…”
