LIGJET E BIZNESIT
Ish-kryeministri Sali Berisha, ka postuar ditën e sotme një video në faqen e tij në Facebook, në të cilën shihet ish-ministri i Brendshëm Saimir Tahiri në ambjentet e një spitali privat në Tiranë.
Berisha shkruan se kjo vizitë mbetet mister ndërsa ngre dhe një pyetje :Vizitoi Milin e Partisë?
Nuk dihet saktësisht se për kë e ka fjalën ish-kryeministri, por më parë ai shpesh i është referuar me këtë pseudonim Emiljano Shullazit.
Në video ish-ministri Tahiri shihet duke biseduar me recepsionisten e spitalit dhe me një tjetër person që e shoqëron.
Kujtojmë se një javë më parë u publikua në media lajmi se Emiliano Shullazi u lirua nga qelia për t’ju nënshtruar vizitave në të njëjtin spital.
“Saimir Trafiku në Spitalin Amerikan! Mister kjo vizitë e tij! Kë takoi? Interesohet për…? Vizitoi Milin e Partisë? Shikoni videon e qytetarit dixhital”, shkruan Berisha duke postuar videon e mëposhtme.
