LIGJET E BIZNESIT
Rudina Hajdari duket se këtë shtator ka dalë ballazi kundër Opozitës joparlamenatre dhe Partisë Demokratike që e solli nga SHBA dhe e bëri deputete.
Hajdari në vazhdën e qëndrimeve të saj kritike në lidhje me vendimet që ka marrë Opozita joparlamentare, këtë herë ka trajtuar raportin final të OSBE ODIHR në lidhje me zgjedhjet e 30 qershorit.
“Raporti fajëson të gjitha krahët politike njësoj për papërgjegjshmërinë e tyre ndaj elektoratit shqiptar, duke mos lënë vend për interpretim.”- shkruan Hajdari ndër të tjera.
Sipas deputetes për ato vlerësime negative në raportin e OSBE faji është i Opozitës jashtë parlamentit, pasi nuk i dha mundësi zgjedhje qytetarëve shqiptarë.
Më poshtë reagimi i plotë i Rudina Hajdarit
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Arsyeja kryesore që qytetarët shqiptarë në 30 Qershor nuk patën mundësi zgjedhje dhe nuk ishin të përfaqësuar ishte sepse Opozita joparlamentare mori vendimin e paprecedentë të digjte mandatet dhe të mos hynte në zgjedhjet lokale, vendim ky që thelloi krizën politike në Shqipëri dhe i dhuroi Partisë Socialiste plot 61 Bashki.
Raporti fajëson të gjitha krahët politike njësoj për papërgjegjshmërinë e tyre ndaj elektoratit shqiptar, duke mos lënë vend për interpretim.
Prandaj, gënjeshtrat në mënyrën se si lexojnë dhe intepretojnë kryetarët e partive Raportin e OSBE ODIHR-it tregon edhe njëherë se sa i kalbur është sistemi ynë politik dhe zgjedhor.
Është pikërisht ky sistem zgjedhor, ku kryetarëve të partisë u jepet pushtet pa limit, duke cënuar demokracinë e brendshme në çdo qelizë të partisë, që e ka sjellë vendin tonë në këtë pikë ku jemi sot, ku njerëzit ndihen të papërfaqësuar vetëm prej tekave personalë të kryetarëve të partive.
Duke parë situatën ku ka degraduar sjellja politike, është e qartë që Reforma Zgjedhore do të jetë i vetmi mjet i drejtë për të adresuar problemet e zgjedhjeve dhe për të hapur debatin publik, për një sistem zgjedhor më të denjë e më përfaqësues për shqiptarët, dhe që konsideron rekomandimet kryesore të OSBE ODIHR-it si: njohja e zgjedhjeve, depolitizimi i komisioneve zgjedhore dhe financimi transparent i partive politike gjatë fushatave.
