Ambasada Amerikane ka publikuar një video në faqen e saj zyrtare në Facebook në lidhje me Reformën në Drejtësi.
Pas një seri videosh të publikuara kohët e fundit, në këtë video Ambasada e SHBA ka shpjeguar sërisht hapat për zbatimin e Reformës në Drejtësi, duke nisur nga Rivlerësimi, Gjykata Kushtetuese, SPAK dhe BKH.
“Çfarë është reforma në drejtësi? Si po zbatohet? Si do të ndikojë në jetën tënde dhe në jetët e shqiptarëve? Gjatë javëve të kaluara, postuam një seri videosh informuese për të shpjeguar se si reforma në drejtësi do të sigurojë që çdokush të jetë i barabartë përpara ligjit. Keni humbur njërën prej videove tona? Këtu mund të shikoni serinë e plotë mbi Reformën në Drejtësi, Rivlerësimin, Gjykatën Kushtetuese, SPAK dhe BKH”, shkruan Ambasada e SHBA krahas videos.
