Në seancën gjyqësore që u zhvillua ditën e sotme për procesin e njohur si “Babalja”, është lexuar dhe dëshmia e Agron Xhafës, vëllait të ministrit të Brendshëm Fatmir Xhafaj, I cili akuzohet për trafik droge si dhe protagonist i audio përgjimit të Albert Veliut.
Në dëshminë e dhënë , Agron Xhafaj shprehet se i ka dhënë borxh Albert Veliut që luante bixhoz por ai nuk ia ka kthyer.
Xhafaj ka mohuar se ka folur për trafik me të dhe shprehet se sulmet e deputetëve të PD-së janë bërë për të dëmtuar imazhin e vëllait të tij Fatmir Xhafaj.
“Sulmet e deputetëve të PD janë për të dëmtuar imazhin e vëllait tim si Ministër i Brendshëm. Nga përmbajtja e bisedës audio mendoj se është Albert Veliu. Ai vinte rregullisht dhe pinte kafe te lokali im. I kam dhënë lekë borxh se luante bixhoz. S’ka qenë korrekt në kthimin e borxheve. Mund të kem folur me të por jo për gjërat që ai pretendon”, deklaron Agron Xhafaj.
