LIGJET E BIZNESIT
Një ditë pas botimit të raportit të OSBE-ODIHR për zgjedhjet vendore të 30 qershorit, kryetarja e Lëvizjes Socialiste për Integrim Monika Kryemadhi ka dalë në një deklaratë për mediat.
Kryemadhi ka komentuar raportin duke u shprehur se ishte një skaner i politikës dhe se zgjedhjet e 30 qershorit nuk njihen nga ndërkombëtarët.
Ndër të tjera ajo nuk ka harruar të thumbojë as kryeministrin Rama, duke u shprehur se edhe kur i organizon vetë votimet Rama nuk i rëziston dot futjes së duarve në kuti, pasi i është bërë ves.
“Raporti tregon haptazi shkatërrimin ligjor të vendit. Kemi një KQZ që nxjerr rezultatet e zgjedhjeve pas një muaji. Nuk kemi asnjë mëdyshje që raporti i OSBE/ODIHR do të dilte në konkluzione të vërteta. Ndjemë dhimbje për situatën politike, ekonomike, si rezultat të inkriminimit të gjithë jetës shoqërore Raporti një skaner objektiv dhe i tmerrshëm për gjendjen në të cilën gjendet vendi, tregon shkatërrimin e sistemit ligjor dhe shoqëror të Shqipërisë.Edhe kur organizon votimet Rama nuk i reziston dot futjes së duarve në kutitë e votimit, se i është bërë ves. Ky raport nuk i njeh zgjedhjet”, u shpreh Kryemadhi.
