Rama alarm edhe te deputetët. Nesër mblidhet grupi parlamentar

Situata e tërmeteve ka ngritur në këmbë jo vetëm qeverinë, por të gjithë mazhorancën. Pas mbledhjes së qeverisë, të njoftuar rreth orës 23.30, kryeministri Edi Rama ka thirrur një mbledhje emergjente të grupit parlamentar socialist paraditen e nesërme.

Sipas të dhënave paraprake, mbledhja pritet të zhvillohet nesër rreth orës 11:00 në Kryesinë e Kuvendit. Po përveç deputetëve në mbledhje do të marrin pjesë edhe ministrat dhe krerët e bashkive.

Kreu i qeverisë anuloi udhëtimin drejt SHBA dhe u kthye me urgjencë nga Gjermania, duke lajmëruar mbledhjen e qeverisë në orën 23:30.