Plas sherri në Komisionin e Ekonomisë, deputeti i vërsulet Ahmetajt: Mos ma drejto gishtin, nuk ma mbyll dot gojën

Në kohën që në Komisionin e Ekonomisë ishte duke u rishikuar dekreti i presidentit Ilir Meta për rrugën Orikum- Llogara, pati një ndërhyrje dhe nga deputetët e opozitës së re.

Korab Lita, deputeti i opozitës u shpreh se e përshëndeste vendimin e Metës për rrëzimin e këtij ligji.

Mirëpo kjo deklaratë nuk i ka pëlqyer aspak drejtuesit të komisionit Arben Ahmetaj, e cili i tërhoqi vëmendjen se mund t’i ndërpriste fjalën në rast se vazhdonte kështu.

Por Lita nuk ka ngurruar të kthejë përgjigje.

Pas këtij debati, komisioni rrëzoi dekretin. Ndërkohë 5 deputetet e opozitës votuan pra tij.

DEBATI:

Lita: Unë e përshëndes vendimin e presidentit dhe ftoj dhe kolegët e opozitës që të mos bëhen palë e këtyre aferave. Them kështu edhe pse Meta ka qenë pjesë e juaja më parë dhe tani për ju nuk është më.

Ahmetaj: Nuk ka qenë me në dhe s’ke pse përgjigjesh në këtë mënyrë. Vazhdo ose..

Lita: Mua mos më ndërpre. Nuk ma mbyll dot gojën dhe atë gisht mos ma drejto ashtu