Zyra e Hetimeve për Trafikun e Drogës dhe Forca e Sigurisë në rajonin e Atikës në Greqi kanë vënë në pranga një 26-vjeçar shqiptar me akuzën e shpërndarjes së lëndëve narkotike.
I riu shqiptar i identiteti i të cilit nuk bëhet i ditur ishte kthyer në një personazh shumë të njohur për të gjithë ishullin e famshëm. Ai njihej me nofkën, ‘’Aleksandër Shqiptari’’ dhe ishte furnitori kryesor u gjithë përdoruesve me GBL, metamfetaminë, ketaminë, ekstazi. Në momentin e ndalimit nga policia të riut shqiptar iu gjetën 1800 pako najloni dhe 50 shiringa.
Gjatë këtij ndalimi përveç drogëreve të tjera, ajo që iu ka tërhequr vëmendjen oficerëve grek ishte substanca, GBL. Kjo lëndë narkotike provokon instinktet mashkullore dhe shikohet si nxitësja kryesore në përdhunimet që ndodhin në klabe ose lokale nate. GBL nuk ka ngjyrë kur derdhet në ujë, nuk përmban erë si dhe shkakton humbje të kujtesës dhe lodhje.
26-vjeçari, ishte punonjës në aeroportin e Mikonosit dhe nga aty pikaste klientë potencial që vinin me pushime në ishullin luksoz. Ai prej disa kohës po mbahej nën vëzhgim nga agjentët e anti-drogës greke. Para oficerëve të rendit, 26-vjeçari dëshmoi se do ta shiste drogën në Marathi, por pa treguar emrat e personave të përfshirë në këtë rrjet trafiku.
