Pas gafave, Rudina Hajdari bën parashikimin e fortë: Ja kur do japë dorëheqjen Lulzim Basha

Deputetja e opozitës së re Rudina Hajdari u shpreh sot se Lulzim Basha do të detyrohet të japë dorëheqjen nga posti i kreut të PD në momentin që do firmosë “Paktin Kombëtar” me kryeministrin Edi Rama.

Në një postim të saj në rrjetet sociale, Hajdari shkruan ndër të tjera se demokratët nuk kanë ndërment të bëjnë Edi Ramën të pavdekshëm dhe se Basha duhet të kishtë dhënë dorëheqjen dy herë të tjera, dhe se sipas saj me këtë marrëveshje do të jetë e treta e vërteta.

POSTIMI I DEPUTETES RUDINA HAJDARI

Duhet një “shkollë politike” për kryetarët e partive kryesore mbi ndryshimin e sistemit në mënyrë që të bien me këmbë në tokë.

Marrëveshja nuk e shpëton dot këtë herë opozitën joparlamentare. Deri tani Kryetari i Partisë Demokratike duhet të kishte dhënë dorëheqjen 2 herë, dhe me këtë marrëveshjen tjetër që kërkon të bëjë me Ramën me anë të “Platformës Kombëtare” (pa realizuar asnjë objektivë deri tani) do jetë e treta e vërteta. Sepse demokratët nuk kanë ndërmend ta bëjnë Edi Ramën, të pavdekshëm.