Pas dorëheqjes së Valdrin Pjetrit, ditën e sotme Partia Socialiste ka caktuar koordinatorët e rinj për Qarkun e Shkodrës.
Mësohet se këtë herë nuk do të jetë një koordinator por katër të tillë.
Burimet bëjnë me dije se ata janë: Senida Mesi, Luan Harusha, Musa Ulqini, Arben Pëllumbi.
Në mbledhjen e sotme pjesë e diskutimeve ka qenë dhe paraqitja e dorëheqjes së drejtorëve në bashkitë të cilat më parë i drejtonin të djathtët.
Gjithashtu është diskutuar dhe organizimi i strukturave të brendshme të partisë.
Rama nuk ka qenë i pranishëm në mbledhje pasi ndodhet në Vlorë.
