Edhe pse çdo herë bëhet zhurmë dhe flitet se Durrësi për pasurinë e jashtëzakonshme që ky qytet ka në nëntokën e tij, konkretisht në terren çdo ditë po ndodh e kundërta.
Në redaksinë e Fast News Albania kanë mbërritur disa foto nga masakra që është duke ndodhur në zonën e Kodër Vilës në qytetin e Durrësit, ku pallati i kundërshtuar nga banorët e zonës ka filluar të hedhë shtat.
Ndëtimet që janë duke u bërë në shkelje me rregullat e sigurisë teknike (pasi dihet që kjo zonë ka një aktivitet të larg rrëshqitës), janë duke shkatërruar edhe rrënojat arkelogjike të kësaj pjese të Durrësit.
Fotot e mbërritura në redaksinë e Fast news Albania tregojnë se tashmë gjetjet arkeologjike në këtë zonë janë mbulur dhe mbi to është dredhur betoni.
Por ajo që e bën akoma dhe më të rëndë këtë rast është prania e unifromave blu.
Siç mund ta shikoni në foto e mëposhtme duken mjaft policië që bëjnë roje me turne prej 24 orësh për këtë ndërtim, për të ruajtur rrënojat arkeologjik, por nuk dihet se deri në cfarë shkalle ato janë dëmtuar deri më tani.
Mbetet shumë e paqartë se cili është motivi që policia jo vetëm që nuk ndalon këtë ndërtim që po rrënon arkeologjinë e Durrësit, por përkundrazi e merr atë në mbrojtje.
Nga bashkia e Durrësit ende nuk ka asnjë reagim, por njëkohësisht edhe nga instituti i arkeologjisë ende nuk ka asnjë reagim.
