Ditën e sotme kryeparlamentari Gramoz Ruçi ndodhet në qytetin e Vlorës ku ka mbledhur në një takim socialistët e këtij qarku.
Mësohet se mbledhja ka nisur në orën 12:00 dhe zgjati për dy orë.
Mësohet se takimi është zhvilluar me dyer të mbyllura pa praninë e kamerave.
Ka qenë kryeparlamentari Ruci ai që ka drejtuar këtë takim ku janë thirrur kryetarët e Bashkive të Jugut, deputetët dhe kryetarët e Partisë Socialiste të Jugut.
Prezentë ishin edhe Blendi Klosi, Damian Gjiknuri, deputetët Vullnet Sinaj e Vilma Bello, kryebashkiaku i Vlorës Dritan Leli dhe krye bashkiaku i Himarës, Jorgo Goro.
Ruçi gjatë mbledhjes iu ka bërë të qarta detyrat që ka gjithsecili.
“Zgjedhjet në parti, proces që do nisë në çdo qelizë të organizimit deri në zgjedhjen e delegateve në nëntor e më pas përfundimin e procesit në janar 2020, si edhe zgjedhjet e duhura në administrimin e bashkive, duke qenë patjetër të vëmendshëm në përzgjedhje edhe gjinore, si edhe mos-cënim te paargumentuar te administratave“, është shprehur Ruçi.
Ndërkohë në Tiranë është mbledhur Komisioni Hetimor për shkarkimin e Presidentit Meta. Njëkohësisht Komisioni i Ekonomisë ka rrëzuar disa nga dekretet e presidentit.
