Ditën e sotme Gjykata e Shkallës së Parë në Gjirokastër ka caktuar masën e sigurisë “detyrim paraqitje” për ish-drejtorin e Agjencisë së Mireqenies dhe Kujdesit Social Armand Mamani.
Mamani u ndalua ditën e djeshme nga policia për “shpërdorim detyre”.
Trupi gjykues ka marrë parasysh kërkesën e avoktatit t ëish-kryetarit të degës së LSI-së për Gjirokastrën duke e liruar kështu nga burgu.
Mamani akuzohet se ka favorizuar një biznes privat të familjes së tij duke konsumuar energjinë elektrike nga Agjencia e Shërbimit Social në Gjirokastër.
Në mbrojtje të tij reagoi dhe ish-ministri i Shëndetësisë dhe ish-deputeti i LSI-së Vangjel Tavo, i cili e konsideroi ndalimin e Armand Mamanit si ‘’prapavijë politike’’ nga qeveria socialiste.
