Ndodh habia në Tiranë, lokali kalon në biznes të madh, rrit çmimin e kafes e ujit: Faleminderit për mirëkuptimin! (FOTO)

Prej muajsh tashmë në aksionin anti-informalitet që po zhvillon qeveria, bizneset po përballen me kontrolle të shumta nga Tatimorët ku nuk kanë munguar gjobat por edhe mbylljet.

Të gjendur në këtë situatë pronarët janë shprehur kështu të shqetësuar pasi nga biznes i vogël kanë kaluar në biznes të madh.

Si rrjedhim i këtij procesi kalimi nga biznes të vogël në një biznes të madh, pronari ua ka faturuar kështu klientëve, duke rritur cmimin e produkteve dhe duke i lajmëruar ata me anë të një njoftimi.

“Te nderuar kliente! Ju bëjmë me dije se Organet Tatimore e kanë parë të arsyeshme që biznesi ynë të kalojë në Biznes të Madh. Nga kjo rritje e kostove jemi të detyruar të rrisim çmimin e kafes dhe ujit me 10 lek. Ju faleminderit për mirëkuptimin’ shkruhet në njoftimin e biznesit”, ka qenë ky njoftimi i bërë nga një lokal në Tiranë.

Njoftimi është shpërndarë nga gazetari Gjergj Erebara, duke shkruar: Ndërkohë fushata anti-informalitet mbërrin te lokali i lagjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern