Sapo ka përfunduar takimi mes kryetarit të Partisë Demokratike, Lulzim Basha dhe aleatëve të PD në opozitë.
Pas këtij takimi Basha u ndal në një fjalë të shkurtër para medieve, duke thënë se raporti i OSBE ODIHR konfirmoi atë që Opozita ka thënë prej disa muajsh tashmë.
Sipas Bashës vendi është në një krizë shumë të thellë dhe ka ardhur koha që t’i jepet fund këtij regjimi oligarkik.
Më tej lideri demokrat u shpreh se Opozita që ai drejtoj është gati që t’i jap rrugë zgjidhje kësaj situate.
“Raporti tregon se këtu ka rënë shteti, ka rënë drejtësia, gjykata ka rënë dhe është shkelur çdo ligj nga kushtetuta deri tek rregulloret e KQZ. Këtu janë përfshirë në shkelje të ligjit të gjithë, nga kryeministri KQZ e numëruesi i thjesht. Raporti tregon se Rama ka varrosur shtetin e së drejtës, demokracinë dhe duke varrosur këto ka varrosur edh ekonominë, ka varrosur paratë e shqiptarëve në gropat e oligarkisë.
Sot ndeshemi me një shtet personat të Edi Ramës që ka zëvendësuar shtetin e së drejtës. Prioriteti jonë është ti japim fund kësaj. E vetmja rrugë për ta bërë këtë janë zgjedhjet e lira e të ndershme të mbajtura nën kujdesinë një qeverie tranzitore. PS duhet të marrë përgjegjësit për këtë gjendje. Ndodhemi para një momenti kyç për atë që pritet të ndodhë. Në më pak se një muaj e gjysmë Këshilli Europian do vendosë nëse do hapë negociatat me Shqipërinë, dhe negociatat nuk ka shanse të hapen nëse në Shqipëri nuk kryhen zgjedhje të lira e të ndershme, secili të marrë përgjegjësitë e veta.
Ne si opozitë kemi folur sot rreth përgjegjësive që kemi dhe në respekt të tyre, siç kemi hedhur disa hapa domethënës, jemi gati të ofrojmë edhe një platformë kombëtare për daljen e vendit nga kriza sepse gjenda është kaq e rëndë sa largimi i Edi Ramës nuk mjafton”, tha Basha.
