Mbaruan pushimet, Basha bën lëvizjen që nis aksionin opozitar

Shtatori përveç fundit të pushimeve për administratën sjellë edhe fillimin e aksionit opozitar. Gjatë gushtit PD dhe partitë e tjera në Opozitë u munduan ta mbajnë gjallë frymën opozitare me anë të rrjeteve sociale, por tani ka ardhur koha për aksionin në terren.

Mësohet se sot Basha do të takohet me të dërguarit e tij në 12 qarqet e vendit, nga ku do të marrë një raport për të mësuar më mirë se çfarë ndodhë në bazë.

Pas këtij takimi Basha ka thirrur një takim të kryesisë së partisë dhe më pas të aleatëve në Opozitë.

Në këto takime do të caktohet vija opozitare që PD do të ndjekë në vazhdim. Pritet që në këto takime të vendoset për protestat, apo se si vazhdojë PD të bëjë opozitë, pasi kriza politike dhe ajo parlamentare vijon edhe pse dje filloi zyrtarisht sezoni i 5-të i legjislaturës së 9-të të Kuvendit.