Luiza Gega bën historinë, kualifikohet në finalen e Botërorit

Luiza Gega, atletja më e mirë shqiptare, mbajtëse e disa rekordeve dhe fituese e shumë medaljeve ndërkombëtare, ka arritur një performancë fantastike në kampionatin botëror në Doha, teksa në disiplinën e 3000 metrave me pengesë arriti të hyjë në finale.

Gega arriti të kualifikohet në finale, pasi u rendit në mesin e gjashtë atleteve me kohën më të mirë në tre bateritë. Me kohën, 9 minuta, 28 sekonda dhe 32 të qintat, Gega u kualifikua për në finalen e madhe, e cila do të zhvillohet të hënën.