LIGJET E BIZNESIT
Kryetarja e Lëvizjes Socialiste për Integrim Monika Kryemadhi ka zhvilluar sot një takim në selinë blu me kreun e Partisë Demokratike Lulzim Basha.
Menjëherë pas përfundimit të takimit, në një prononcim të shkurtër përpara gazetarëve Kryemadhi është shprehur se aksioni opozitar do të vijojë.
Kryemadhi ka theksuar se largimi i Ramës nga posti i kryemministrit është kusht i shqiptarëve dhe jo i opozitës.
“85% e shqiptarëve nuk e duan Ramën”, shtoi Kryemadhi.
Ndërkohë, e pyetur nëse do të ketë protesta në shtator, kryetarja e LSI nuk dha detaje por u shpreh se shqiptarët janë në protestë çdo ditë.
“Aksioni do të vazhdojë ashtu siç është, i drejtpërdrejtë dhe për të zgjuar çdo qelizë të shqiptarëve. E rëndësisshme është që cdo shqiptar proteston cdo ditë, mjaftom bidonat e ujit që mbajnë cdo ditë kur nuk u del një pikë ujë nga cezma është protestë”, tha ajo.
