Konfirmohet nga Presidenca: Ja kur do të paraqitet Ilir Meta për të raportuar në Komisionin Hetimor

Zëdhënësi i Metës, Tedi Blushi, ka konfirmuar sot praninë e presidentit në Komisionin Hetimor Parlamentar.

Me anë të një postimi në Facebook, teksa shkruan se e kanë pyetur shumë gazetarë, Blushi shprehet se Meta do të paraqitet në parlament në orën 09:59 ditën e hënë.

“Të dashur kolegë gazetarë që vazhdoni të më pyesni nëse do të shkojë apo jo Presidenti Meta në Parlament. Ju konfirmoj me përgjegjshmëri maksimale se: Ditën e hënë, Presidenti Meta në ora 09:59 do të jetë në Parlament”, shkruan Blushi.

Presidenti Ilir Meta është thirrur për të dhënë sqarime në komisionin parlamentar ngritur për shkarkimin e tij.

Të gjithë menduan se presidenti nuk do të shkonte, por kjo është hedhur poshtë nga zëdhënësi, por edhe vetë Ilir Meta.