Furtunë në Tiranë, vihen në pranga 7 biznesmenë të fuqishëm

Mbrëmjen e sotme mësohet se policia dhe njësitë anti informalitet kanë ndërmarrë një valë të gjerë arrestimesh, me urdhër të Prokurorisë së kryeqytetit.

Mësohet se operacioni në fjalë ka ditë që po zhvillohet, ndërsa në pranga kanë përfunduar 13 persona, mes tyre 7 biznesmenë shumë të fuqishëm në kryeqytet

Fillimisht bëhet me dije se kanë qenë së paku 50 persona të shoqëruar në ambientet e Drejtorisë së Policisë së Tiranës.

Priten edhe arrestime të tjera, ndërsa shumë persona janë shpallur në kërkim dhe operacioni do të vijojë të zgjerohet edhe në ditët e ardhshme.

Hetimet për mashtrimin me skemat e mashtrimit me TVSH-të ka muaj që zhvillohet.

Burime bëjnë me dije se biznesmenët e arrestuar janë me ndikim të madh, kryesisht në fushën e ndërtimit.