FSHF me dorë të hekurt, ja dënimi i rëndë që ka dhënë për Vllazninë

Federata Shqiptare e futbollit ka publikuar sot vendimet e Komisionit të Disiplinës në lidhje me ngjarjet anti sportive që ndodhën në javën e tretë të Superligës. Më ashpër është dënuar Vllaznia, e cila për sjellje të gabuar të spektatorëve duke shkaktuar akte dhune dhe ndërprerje të përkohshme të lojës dënohet me 4 ndeshja pa tifozë në fushën e saj.

Në zbatim të Nenit 32/3 të KDS, urdhërohet pezullimi i zbatimit të dënimit për ½ e dënimit me kusht për një periudhë 6 mujore.

Dënim shembullor është dhënë edhe për lojtarin e  KF “Kukësi”, Olsi Teqja, për publikimin e deklaratave kundër interesave të FSH. Në bazë të Nenit 10/1/d. të Statutit të FSHF dhe Nenit 18 të KDS, Teqja dënohet me pezullim nga 2 (dy) ndeshje prej aktivitetet futbollistike.

Fshf bën me dije se kundër vendimit lejohet ankim brenda 3 (tre) ditëve përpara Komisionit të Apelit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern