Pas tragjedisë në Librazhd, një tjetër ngjarje e rëndë brenda familjes ka ndodhur në Elbasan. Sipas njoftimit të policisë është mundur të evitohet në kohë një krim në familje, ku vjehrri e vjehrra kanë rrahur nusen e djalit.
Por ngjarja e rëndë nuk është ndalur këtu, pasi dy prindërve iu është bashkuar edhe i biri, i cili u është bashkuar në dhunën ndaj gruas.
E reja, një 25-vjeçare ka përfunduar me plagë në spital, por për fat, sipas policisë, jashtë rrezikut për jetën.
Pas njoftimit te marrë, Policia ka arrestuar në flagrancë shtetasit : G.I., 50 vjeç dhe H.I., 26 vjeç, ( at e bir) banues në Elbasan, si dhe kanë proceduar penalisht në gjendje të lirë shtetasen A.I 46 vjeçe.
Materialet hetimore i kaluan Prokurorisë Gjykatës së Shkallës Parë Elbasan për veprën penale ” Dhuna në familje“.
