LIGJET E BIZNESIT
Rastet e martesave në moshë të mitur në vende të botës së tretë janë një gjë e rëndomtë. Por rasti më i fundit në Iran i ka kaluar çdo kufi.
Një vajzë vetëm 9-vjeç e veshur me një fustan të bardhë buzë të lyera me të kuq dhe një vello që i mbulon flokët e zeza, shfaqet në krahë të një 22-vjeçari që do të jetë burri i saj i ardhshëm.
Në video dëgjohet një klerik që celebron martesën dhe kërkon për tre herë, siç e do tradita, konsensusin e vajzës së vogël. Të afërmit dhe miqtë kërkojnë që ajo të thotë ‘po’, teksa vogëlushja qëndron ulur pranë burrit të ardhshëm 22 vjeç dhe dukshëm kuptohet se nuk e ka dijeninë se çfarë është duke ndodhur.
Video është bërë virale në rrjetet sociale dhe ka sjellë reagime shumë të ashpra nga gazetarët, aktivistët dhe politikanët.
Gjithashtu e ligji iranian nuk i lejon këto lloj martesash dhe tani prindërit e vajzës, burri i ardhshëm dhe kleriku duhet të përgjigjen përpara gjykatës. Nëse ato shpallen fajtor, rrezikojnë të gjithë nga 6 muaj deri në 6 vjet burg.
Videoja u publikua në rrjet nga gazetarja që mbron të drejtat e grave, Masih Alinejad.
“Emri i këtij pedofili 22-vjeçar është Milad Cheshani. Ai është anëtar i grupit militant Basij. Vajza quhet Fatima Sayyadi. Milad Cheshani mori lejen e gjykatës islamike për tu martuar me këtë vajzë të mitur”, shkruajti gazetarja.
Ishte pikërisht ky publikim që ndali këtë masakër për vajzën e mitur dhe tashmë prindërit, 22-vjeçari dhe kleriku do të përballen me gjykatën. Në Iran një vajzë mund të martohet pasi kalon moshën 13 vjeç, ndërsa një djalë pasi i ka kaluar të 15-at.
