E padëgjuar, deputeti shpall konkursin në facebook dhe jep një çmim të “majmë” për fituesin

Adriatik Alimadhi, kryetar i Partisë Balli Kombëtar është një nga deputetët e rinj që ka hyrë në Parlamentin shqiptar, pasi Opozita shpalli bojkotin. Alimadhi prej vitesh në politike në nivele inferiore me pak vota (më shumë të marra mbi bazën e sistemit klientelist), këto muaj po shijon benefitet që të jep pushteti dhe pozicioni i deputetit.

Pasi ia doli të mbajë fjalimin e tij të parë në Parlament të hënën që shkoi, Alimadhi duket se ka filluar të bëhet aktiv edhe në rrjetet sociale.

Sot deputeti i dalë nga listat e PD në Vlorë i ka befasuar të gjithë me postimin e tij. I ulur në një karrige buzë lumit Lumbardh që përshkon qytetin e Prizrenit, Adriatik Alimadhi ka tentuar të hap një “mini konkurs” për ata që e ndjekin në rrjetet sociale.

“Ku jam ketu? Kush e gjene vendin, e prese per kafe.” Janë tre fjalitë me gabime foshnjarake nw drejtshkrim që ajo që shkruan ai në facebook.

Kuici i Alimadhit ka funksionuar në fakt, pasi në facebok ka pasur një “lum” komentesh, por ende nuk dihet se kush është “fatlumi” që e ka gjetur i pari dhe ka përfituar kafen nga kreu i Ballit Shqiptar.