Mesa duket kryeministri Edi Rama është lodhur disi nga politika dhe kohët e fundit ka vendosur të provojë dhe kinematografinë.
Në mënyrë të papritur Rama është bërë pjesë e filmit më të ri të Ermal Mamaqit “I love Tropoja”.
Mamaqi nuk ka thënë ende asnjë informacion se cfarë doli do të ketë kreu i qeverisë.
Ndërkohë në rrjetet sociale kanë dalë fotografitë e para se si kryeministri Rama do të duket në rol, veshur me të zeza, paruke në kokë dhe me një sy të çuditshëm.
Marrëdhënia mes tij dhe Mamaqit duket të jetë forcuar edhe më shumë, pavarësisht akuzave që iu bënë aktorit dhe moderatorit teksa e ftoi Ramën në emision në kulmin e protestave të studentëve, të mbajtur në dhjetorin e kaluar.
Sigurisht një nga arsyet se pse Mamaqi e ka ftuar Ramën në film është audienca, po dhe kryeministrit një rol prej aktori për të tërhequr vëmendjen nga kriza politike, nuk do ti bënte aspak keq.
