Presidenti Ilir Meta i është përgjigjur interesimit të gazetarëve nëse do të jetë i pranishëm për të raportuar në Komisionin Hetimor që është ngritur nga Kuvendi për shkarkimin e tij.
Presidenti e cilëson këtë pyetje si absurde, duke u shprehur se personalisht atij i takon të jetë shembull i bashkëpunimit mes institucioneve.
Në fund të mesazhit të tij Meta shkruan se “Mezi pret të kthehet te parlamenti”, duke lënë të kuptohet se me shumë mundësi ai do të jetë i pranishëm.
Kujtojmë se në datën 6 shtator Komisioni Hetimor ka thërritur Presidentin për të dëshmuar, në lidhje me shkeljen e Kushtetues, pasi nxorri dekret për anulimin për zgjedhjet e 30 qershorit.
REAGIMI I PLOTE I PRESIDENTIT ILIR META
Të dashur miqtë e mi gazetarë,
Më “çmendët” me sms tuaja, si asnjëherë tjetër!
Po ç’është kjo pyetje kaq absurde që më bëni të gjithë: A do shkoj tek Parlamenti?!
Së pari, Presidentit si Kryetar i Shtetit, i takon të jetë shembull i bashkëpunimit institucional. Dhe besoj se në këto dy vite kam bërë gjithçka për të vendosur këtë bashkëpunim, në respekt të plotë të Kushtetutës, shtetit ligjor dhe interesit publik.
Së dyti, unë mezi pres të kthehem tek Parlamenti.
