Detaje nga sherri me armë në Bulqizë, i plagosuri është vëllai i kryebashkiakut (EMRI)

Detaje të tjera kanë dalë nga sherri që ndodhi mëngjesin e sotëm në qytetin e Bulqizës, ku si pasojë u plagos me armë zjarri një 41-vjeçar.

Policia njoftoi pas ngjarjes se i plagosur mbeti Vangjel Alla, i cili ndodhet jashtë rrezikut për jetën.

Raportohet se i plagosuri është vëllai i kryebashkiakut të Bulqizës Lefter Alla.

Ndërkohe policia ka shpallur në kërkim autorin e plagosjes, shtetasin me iniciale I.D 31 vjec, banues në Bulqizë (person me precedent kriminal).

NJOFTIMI ZYRTAR I POLICISE

Zbardhet ngjarja e ndodhur gjatë natës ku mbeti i plagosur me armë zjarri një shtetas

Identifikohet dhe shpallet në kërkim nga Policia, 31 vjeçari me precedent kriminal, autori kryesor i ngjarjes, si dhe bashkëpunëtori i tij.

Rreth orës 02.40 në ambjentet e një lokali në qytetin e Bulqizës, gjatë një konflikti të çastit është plagosur me armë zjarri shtetasi V.A,  41 vjeç,  banues në Bulqizë, i cili ndodhet në spital aktualisht jashtë rrezikut për jetën.

Nga veprimet hetimore të kryera nga ekspert të Policisë ka rezultuar se autori i kësaj ngjarje është shtetasi I.D, 31 vjeç, banues në Bulqizë (person me precedent  kriminal), i cili është larguar nga vendngjarja së bashku me shtetasin D.S. 24 vjeç.