DETAJE/ 4 mln euro skemë mashtrimi, kush janë 15 biznesmenët e arrestuar, mes tyre dhe ish-kandidatja për deputete

Vijojnë të dalin të tjerë emra të biznesmenëve të arrestuar mbrëmjen e djeshme në Tiranë me akuzën për mashtrim me skemën e TVSH për t’ju shmangur detyrimeve financiare në shtet.

Mësohet se janë vënë në pranga 15 biznesmenë, kryesisht në fushën e ndërtimit dhe policisë private.

Raportohet se janë arrestuar Haxhi Sala pronar i kompanisë ‘LEKSI SECURITY’ dhe ortaku i tij Astrit Lala.

Një emër tjetër është edhe ai i Shpresa Joanidhit, e cila ka qenë pak vite më parë kandidate e PD-së për deputete në qarkun e Gjirokastrës.

Ndërkohë janë proceduar në gjendje të lirë dy biznesmenët Përparim Hasani dhe Albert Ahmeti.

Pas analizës së kryer nga Hetimi Tatimor në muajin gusht kanë dalë në pah dhe mashtrimet e kryera nga këta shtetas me faturat tatimore dhe që i kanë shkaktuar shtetit një dëm ekonomik prej 4 milion eurosh.

LISTA E PLOTE E BIZNESMENEVE TE ARRESTUAR

Besnik Pelivani

Astrit Lala

Haxhi Sala

Ilia Dimo

Ardian Bejko

Mhill Ndreca

Rrapo Prodani

Shpresa Joanidhi.

Po ashtu në pranga ranë Fatmir Firi

Paqsor Buzi

Vangjush Mbirce

Rabi Kurti

Riza Roshi

Rrapo Baduni

Albert Ahmeti

Kujtojmë se mbrëmjen e djeshme policia ndërmori një aksion, ku shoqëroi rreth 20 persona, ndërsa më pas disa u lanë të lirë.