2 ditë parë Fast News Albania (lexo ketu) paralajmëroi se në Partinë Demokratike është duke u përgatitur për tu publikuar dosja e një tjetër kryebashkiaku, pas Valdrin Pjetrit në Shkodër dhe Agim Kajmakut në Vorë.
Dosja që po bëhet gati këtë herë është për kryetarin e bashkisë Vaut të Dejës, Mark Babani.
Burime konfidenciale nga Partia Demokratike pohuan për Fast News Albania se dosja e radhës që pritet të hapet do të jetë pikërisht për Babanin. Mësohet se kryebashkiaku i Vaut të Dejës ka një dosje penale jo aq të pastër sa e ka deklaruar dhe nuk i ka deklaruar të gjithë në formularin e dekriminalizmit.
Këtë lajm të Fast News Albania e ka konfirmuar edhe gazetari shkodran, Ergys Kavaja, i cili shkruan se nesër bie dhe një tjetër bashki. “…Ju pastë NANA PARTI , edhe nje tjeter “bashki” bie neser… hajde gezuar ?”, shkruan Kavaja në Facebook.
Tashmë mbetet për tu parë se cilat do të jenë provat që sekretari i përgjithshëm i PD, Gazment Bardhi do të paraqesë nga folëtorja e selisë blu.
