Në lidhje me dosjen “Babale” ka dhënë dhe dëshminë e tij në Prokurori edhe gazetari Ylli Rakipi.
“E kam ditur që Olldashi ka patur një material video për Geron Xhafën, por nuk më interesonte se ishte pa video. I kam dhënë para Olldashit për investigimin por nuk ia doli të më sillte materialin që unë kam kërkuar.
Në këto kushte nuk më është dashur një material audio që më pas u publikua nga PD, por vetëm video.
Unë nuk e kam njëhur as Fredi Alizotin, as Albert Veliun. Pas këtij matetiali audio, Olldashi më ka kërkuar për të shkuar sërish në Vlorë, nuk kam pranuar pasi nuk kemi patur para të mjaftueshme në dispozicion si emision.
Më vonë Olldashi është larguar nga emisioni im për punët e veta dhe nuk kemi bashkëpunuar”, është shprehur Ylli Rakipi.
Dosja Babale, telenovela e opozitës për gati 1 vit
Pranverën e 2018-ës, PD botoi 2 audioregjistrime, përmes së cilave supozonte se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike. E tërë çështja u emërua “Babalja”, pasi dëshmitari X i Partisë Demokratike, i cili ishte i përfshirë në audioregjistrime, thirrej në to me pseudonimin Babale.
Krimet e Rënda lëshuan urdhër-arreste për protagonistët e audiopërgjimit, Albert Veliu, i njohur ndryshe me nofkën “Babalja” dhe kunatin e tij, Fredi Alizoti. Nga ekspertiza që i është bërë kampionit të zërit, ai që dëgjohet në audio është i Agron Xhafajt, por i Alizotit, i cili pranonte se kishte imituar zërin e vëllait të ministrit, pasi iu ishin premtuar 200 mijë euro nga deputeti me mbiemrin Salianji.
Ai u shpreh se kishte vendosur të tregonte të vërtetën pasi “Babalja” nuk i kishte dhënë pjesën e parave që i detyrohej. Në datë 6 mars të këtij viti prokuroria mori të pandehur ish-deputetin e Partisë Demokratike Ervin Salianji për dosjen ‘Babale’.
Salianji është marrë i pandehur, pasi rezultoi si personi që kontaktoi me Albert Veliun dhe nëpërmjet gazetarit Jetmir Olldashi publikuan në selinë e PD audio-përgjimin e rremë. Ndërkohë, vëllai i ish-ministrit të Brendshëm Fatmir Xhafa, Agron Xhafa la kampionin audio të zërit të tij në prokurori dhe u largua për t’u dorëzuar drejtësisë në Itali ku kishte për të vuajtur edhe 4 vite burg.
