Arrestohet 28-vjeçari në Tiranë, ja për çfarë akuzohet (EMRI)

Policia e Tiranës ka arrestuar ditën e sotme një 28-vjeçar pasi ishte në kërkim.

Bëhet me dije se 28-vjeçari Genc Logu, ishte i dënuar nga Gjykata e Tiranës me 4 vite burg për vjedhje.

Logu akuzohet se në bashkëpunim me tre persona të tjerë kanë vjedhur dy automjete në Tiranë.

NJOFTIMI ZYRTAR I POLICISË

Vijon zbatimi i planit të masave për kapjen dhe vënien para përgjegjësisë ligjore të personave të shpallur në kërkim.

Kapet dhe ndalohet nga Komisariati i Policisë Nr.2, një shtetas i shpallur në kërkim  për “Vjedhje të kryer në bashkëpunim”, i dënuar me 4 vjet  burg nga Gjykata e Rrethit Gjyqësor Tiranë.

Shërbimet e Policisë të Komisariatit Nr.2, në zbatim të planit të masave “Për kapjen dhe vënien para përgjegjësisë ligjore të personave të shpallur në kërkim”, lokalizuan, kapën dhe ndaluan shtetasin e shpallur në kërkim:

Genc Logu, 28 vjeç,  banues në Tiranë (me precedentë të mëparshëm penal).

Gjykata e Rrethit Gjyqësor Tiranë e ka dënuar me 4 vite burg, për veprën penale “Vjedhje të kryer në bashkëpunim”, pasi  në bashkëpunim me tre shtetas të tjerë kanë vjedhur në zonën e Don Boskos  dhe në rrugën “Artan Lenja” dy automjete.

Materialet iu referuan Prokurorisë së Rrethit Gjyqësor Tiranë për veprime të mëtejshme.